Jab tak na daaloge khad, gulab kabhi khilega hi nahi,
kya karoge piche mudkar, jab pichha koi karega hi nahi,
tumse mohabbat karke bas itna sikha hai maine,
khuda paththar ka hi hai, wo kabhi hilega nahi,


aaj rasm bahut hai riwaaz bahut hai is mehfil me,
is baarat-khane me kal koi dikhega hi nahi,

tu bhi ek sabak hai, kuch sikha gayi mujhko,
jab tak na sambhlega, jab tak koi girega hi nahi,

ab me ek shayar hu ye kah sakta hu me "Sahil",
dard nahi hai jab tak, tab tak koi nazm suneg nahi...............

Naseeb

Mohabbat meri kismat me nahi aaj ye saabit huwa, ki aaj wo bhi daga de gaye jinki wafao ki misaal khud khuda diya karta hai......................

Bhavesh Dubey

madhoshi

"In khuli Zulfon se ab tu baandh le mujhe, bahut thak chuka hu me yaha waha bhag kar"

Bhavesh Dubey

"Kyu"

He bahut se khubsurat manzar, fir itna andhera kyu he?
Puri ummid he use pane ki, fir ghabrata dil mera kyu he?
Sirf mera ghar chhod puri qaynat aaj roshan he "Sahil"
Koi bata de khata meri, mujhse rutha aakhir ye sawera kyu he???

"Aadmi"

Kahani ho to aisi ho ki log sun-ne par majboor ho jaaye,
Jawaani ho to aisi ho ki kalam likhne par majboor ho jaaye,
Ban-ne se Daulatwala kaha sar jhuka hai kisi ka,
Amiri ho to aisi ho ki log Jhuk-ne par majboor ho jaaye,

Fitrat-e-shayar kaha samjha hai jamana "Sahil",
Nazm ho to aisi ho ki log padhne par majboor ho jaaye,

Kisi ko rulana koun sa mushqil hai duniya me,
Baat ho to aisi ho ki log hans-ne par majboor ho jaaye,

Ye kaanoon kaha bana paayega is Jamaane ko Mukhlis,
Riwaaz ho to aise ho ki log nibhane par majboor ho jaaye........

"Fursat"

Saari duniya gire to kya, hume girne ki fursat kaha hai,
roz aati hai mout darwaaje par, hume marne ki fursat kaha hai,
Zism bhale hi sath chhod de "Sahil" HUm Zinda rahenge,
Humari nazmon ke Patto ko ab Jhadne ki fursat kaha hai,

Kitne Naadan hai hum jo sochte hai aisa,
Duniya ko humari Gazale padhne ki fursat kaha hai,

Chand kaante hai mere daaman me jinhe samet raha hu,
Mohabat ke phool chunane ki ab fursat kaha hai,

Gahri neend me hu khwaab dekha hai aaj sunahara,
Aankho ki palko ko bhi ab uthe ki fursat kaha hai,

Sabse bada raqeeb mera apna Naseeb hai,
Duniya ko mera raqeeb banne ki "Fursat" kaha hai........

"Kasoor"

Mout ke baad mujhe mera mustafaa mila,
Jab Zinda tha wo bhi Khafa-khafa mila,
Pucha jo maine kaha khata hui mujhse,
bola "Sahil" teri duwaon me wo har dafa mila...........

"Aakhri Alfaaz"

In benoor aankho me ab bhi kuch khwaab palte hai,
hum wo dariya hai jo "Shabnam" k chhune se jalte hai,
ajib kismat likhi hai uparwaale ne meri "Sahil"
Kabhi khud rote hai to kabhi dushman ki bhi aankh malte hai,

wo meesaalen puraani ho gayi jhuthi ho gayi,
ab to "Babul" ke "Darakht" hi fulte hai Falte hai,

Ta-umra to nisbat ka saath chhoda nahi humne,
shayad isiliye har be-imaan ki aankh me khalte hai,

aakhri safar hai "Sahil" saare gaaon se kah dena,
bahut jhel chuke is yug ko ab chalte hai ab chalte hai..........

For my grandpa who died yesterday (16.10.2011 01.05AM)

Love you grandpa. :(

Bhavesh Dubey...

"Mohabbat"

Agar zindgi me aapka aana na hota,
Humare paas in Nazmo ka khazana na hota,
Markar to sabhi mar jaate hai magar,
tum na hoti to ye mout "Nazarana" na hota,

Kahte hai ki mohabbat kabhi marti nahi duniya me,
sach hai aapke bina mera koi "afsaana"na hota,

ye mohabbat hi to hai jo ghul gayi hai hawaa me,
jo koi saans na leta to "Deewana" na hota,

Agar me jaan jaata teri neeyat pahle "Sahil",
shayad aaj me khud se "Begaana" na hota...........

Bhavesh Dubey "Sahil"

"Deewangi"

tera muskaana "qayamat" ho jaise,
har jurm ki "Zamaanat" ho jaise,
raaho pe teri palke bichaye baithe hai,
teri "Deed" hi "Ibaadat" ho jaise,

nazaren milakar wo tera nazare jhuka lena,
ek ajib si "Sharaafat" ho jaise,

tanhaai me bhi humara lab si lena,
kuch na kahna waqt ki "Nazaqat" ho jaise,

E-naazneen nazar kar dil humaara,
bas labo pe ye hi "shikayat" ho jaise.......

Bhavesh Dubey "Sahil"

"armaan"

andheri raat ke baad nigahe "aaftaab" maange hai,
pyaase lab mere peene ko "taizaab" maange hai,
aaj main is maqaam tak pahucha kaise???
tere "surur" se mera "hosh" jawaab maange hai,

chahe ho jaao tum bewafa kal ko "sahil",
mera dil sitm jhelne ka "daab" maange hai

bata kab tak lut-ta rahu me mohabbat me teri,
aaj ye dil tujhse saraa "hisaab" maange hai,

jo "izatraab" pura jism jalaye baitha hai,
mera dil sab chhod bas wahi "izatraab" maange hai...

Bhavesh dubey "Sahil"